Afrikaans L10 Statusverslag, 10 Oktober 2000
--------------------------------------------

Ek stuur hierdie verslag maar aan beide afrikaans-gnome en 
afrikaans-algemeen sodat dit almal bereik. Jammer oor die
duplisering. In die vervolg sal dit net aan afrikaans-algemeen
gaan. Ek beveel aan dit almal daarby inskryf.

Nuwelinge moet asseblief ons argiewe raadpleeg 
(sien http://afrikaans.sourceforge.net). Die volgende URL is ook
sterk aan te beveel:

"How to localize Mozilla"
http://www.mozilla.org/projects/l10n/mlp_howto.html


Algemeen
--------

Linux:

Afrikaans (af_ZA) is in weergawwe R0.95(Sep. 29) van IBM se Universal 
Locales projek bygevoeg. Hierdie projek verskaf lokaliserings-inligting 
in XML formaat (Unicode 3.0 gebaseerd) sowel as UTF-8 karakterkaarte 
(charmaps). Slegs glibc 2.2 word ondersteun.

meer inligting by 
http://oss.software.ibm.com/developerworks/opensource/locale/index.html

GNOME:

Die verkiesing van die GNOME Foundation (http://foundation.gnome.org). 
Almal wat al tot GNOME bygedra het (kode, dokumentasie etc.), is geregtig 
om te stem. Ek is reeds geregistreer. Ek bemerk egter geen ander Suid-
Afrikaners nie :(

Mozilla:

Netscape Public Beta 3 is uit. Die sal die laaste beta van Netscape wees. 
Die lokalisering van Netscape se produk is egter kompleks. Netscape gaan 
self slegs Engels, Spaans, Japanees en Duits ondersteun. Netscape moet 
ook afsonderlik van Mozilla ge-lokaliseer word.

Die Mozilla-projek het egter nog 'n paadjie om te loop voor hul 1.0 
vrystelling. Mylpunt 18 word binnekort verwag. Dit sal die laaste
mylpunt wees. Die Nuwe "padkaart" is beskikbaar by die volgende URL:
http://www.mozilla.org/roadmap.html

Ek wil sterk aanbeveel dat almal dit lees - dit bied 'n uitstekende oorsig
van die hele Mozilla projek, hede en toekoms. Daar word verwag dat 
Mozilla 1.0 in die tweede kwartaal 2001 vrygestel gaan word. Dit is 
natuurlik  ons  afsnypunt ook indien ons al die Mozilla verpakkings wil 
haal.

Afrikaans-Mozilla
-----------------

Status: Beplanning

Vordering: Geen

Jean Jordaan en Johann Lochner is beide nog druk besig. My eie tesis handig
ek einde November in. Ek stel die volgende datums voor:

(datum onbekend): die afrikaans .po en ander mozilla lokaliserings le^ers
van die M18 vrystelling gaan in CVS in. Eerste "language pack" word 
vrygestel (dit sal natuurlik net die mees eenvoudigste veranderings bevat).

15 November: Jean kan jy voor ons 'n konsep-voorstel voorlei oor hoe ons
te werk sal gaan op 'n standaard woordlys of woordeboek vir ons projekte
op te stel en hoe ons dit sal bedryf? (CVS, web-koppelvalk etc.) 

1 Desember: EK begin vertaal ;)

Afrikaans-GNOME
---------------

Status: Beplanning

Vordering: Geen

Ek is tans (minimaal) bedrywig met Evolution (die Helixcode posleser). Dit
sal dan ook een van my eerste projekte wees.

Ek vertrou dat ons konsensus nou geld dat ons eers Mozilla aanpak en dan 
begin om vir GNOME te organiseer.

Kommentaar word verwelkom. Sterkte aan almal ek sal weer na M18 se 
vrystelling terug rapporteer.

Groete,
Ben